شيف طفلي لايف

شيف طفلي لايف

السلام عليكم😍😍

صباح الفل عليكم يا أحلى ماميز 😎🌹

بشرى سااااااااااااااارة لكل من شارك بمسابقة طفل ي لايف " أنتِ ال شيف "، نظرا لأن كل المشاركات كانت إيجابية، قررنا أن نكافيء كل من شارك بالمسابقة ولكن لم يحالفه الحظ هذه المرة، بأن نخصص خلال الخمس أيام القادمة على التوالي مقالا بخمس وصفات لخمس مشتركات أي وصفة واحدة لكل مشتركة، وذلك  تقديرا لمجهودهن ال رائع ووصفاتهن الأجمل، ونتمنى لهن حظ أوفر المرة القادمة، فمسابقتنا كثيرة ولا تنتهي. انتظروا المزيد!😎🌹

دمتن بألف خير 😍😍

نترككن مع الوصفات:

الوصفة الأولى لـ (isslam ayman)

 دجاج محشي ع طريقتي...

 المكونات.... دجاج..مكسرات..بصل..بازيلا..زبيب..مشمش مجفف..فريكة..كنور..قرفة.. كب ش...قرنفل..زنجبيل..هيل..خل..ليمون..لبن..صويا صوص.. 

الطريقة... غسل و نقع الجاجة ب الخل و الليمون و اللبن و الصويا.. نحمص المكسرات.. في طنجرة ع نار بنحط شوية زيت و البصل و الزبيب و المشمش و الكنور و هيل و زنجبيل و قرفة و كبش قرنفل و الفريكة و بنضيف الماء شوي شوي ع نار عالية 5 دقائق و بعدين ع نار هادية لحتى يستوي بعدين بحشي الدجاج بالفريكة و بحطها بالفرن لمدة ساعتين.. صحتين و عافية...

الوصفة الثانية لـ (ام محمد)

ساندويشات سريعه ولذيذة شاورما بخبز التورتيلا 🌷

أولاً الدجاج: بعد ما تنضفي الدجاج وتسحبي من العظم ،بتقطعي الدجاج مكعبات صغير ه بتحطي بقلايه شوية زيت وبصله مفرومه وبتحطيهم على النار بعدين بتحطي عليهم الدجاج وبعدين بتحطي ملح و بهار وفلفل اسود وبابريكا..... وبس يستوي بتزيلي عن النار 🌷الطحينيه: بتحضري ليمون وطحينيه وشوية ماء وملح وبتحركيهم كويس (بكون جامد شويه) 🌷بتقطعي بصل وترشي عليه سماك 🌷بتجيبي خبز التورتيلا وبتدهني عليه من الطحينيه وبتحطي دجاج وبعدين بتحطي شرائح بصل وبتحطي شوية خس وبتلفي الخبزة وبتكبسي الخبزة على مكبس الخبز الساخن وبتعملي بطاطا مقليه جنب الساندويشات وصحتين وعافيه

الوصفة الثالثة لـ (🥀Samo🥀)

لمقلوبة،  أكلة مقدرة من بلاد الشام،  معروفة بالأردن وفلسطين،  بتتكون من أرز وخضار مقلية،  لكن كل بيت إله طريقته بتطبيقها. المقلوبة من الأطباق الرئيسية على السفرة يوم الجمعة مع لمة العائلة 💓 ✴️ مكوناتها: 💫أرز 🍚 حبة طويلة ومتوسطة منقوع، بحب اخلط منهم. 💫باذنجان 🍆  مقلي، بطاطا،  كوسا،  جزر،  زهرة،  يلي بتحبوه من الخضار بتقليه. 💫شعيرية مقلية. 💫 دجاج مسلوق ومرقة الدجاج معطرة بمطيبات متل ورق غار،  قرفة،  هيل،  قرنفل،  بهارات مشكلة،  كركم،  ملح طبعا. ........................ ✴️طريقة ال تحضير : 💫بحب احط طبق ة شرحات بندورة،  لتعطي حموضة وما تنحرق ال طبخ ة كمان،  بعدين برتب الدجاج ثم الخضار المقلية ثم الارز المخلوط بشعيرية ومبهر. 💫نضع المرقة بحيث تغمر المكونات المرتبة بالطنجرة،  وريته فيه العافية.😋 ملاحظات: في ناس بتستخدم رز حبة متوسطة فقط،  وفي ناس بتقلي الدجاج،  وفي ناس بتغير بالترتيب،  لكن هاي طريقتي الي بعملها،  وانت ست بيتك،  وبتعرفي شو بتحب عيلتك😉.

الوصفة الرابعة لـ  ام محمد فلسطينيه وافتخر⁦🇵🇸⁩

صيدية سمك فلسطينيه 

(مقادير صيدية سمك الفلسطينيه) كيلو سمك نصف كيلو رز حبتين بصل شرائح بهار سمك بهار أرز ملح زيت زيتون سماك حبتين بطاطا فصين ثوم كوب طحين حبتين جزر مكعبين ماجي 

(طريقه التحضير) اولا ننظف السمك ون قطعه ونضع عليه البهارات والملح والسماك ونخمره بالطحين من كل الجوانب وبعد إخراجه من الطحين نقليه ونضعه جانبا لتحضير الارز ننقع الارز نصف ساعه بماء فاتر ثم نقوم بتصفيته من المياه ووضع عليه بهار الارز الثوم المهروس،ونضعه جانبا لتحضير الخضار اولا نذبل البصل الشرائح ونضعه جانبا،ثم نقطع البطاطا والجزر دوائر ونقليها ونضعها جانبا،نحضر الوعاء أو القدر ونضع فيه السمك ثم نضع فوقه البصل المذبل ونضع البطاطا والجزر ثم نضع طبقه الارز ونضع فوقه الماء المذاب فيه الماجي ووضعها على النار حتى النضوج ويجب تذوقها إذا احتاجت ملح ونضع ونتركها على نار هادئه وبعدها نقلبها على طبق التقديم وتزين بالمكسرات حسب الرغبه ويقدم بجانبها السلطه والبن ملاحظه يمكن استخدام سمك فيليه او اي نوع حسب الرغبه وبالنسبه الارز بزبط النوعين حبه طويله وحبه قصيره حسب الرغبه،وصحتييييييين 

الوصفة الخامسة لـ (Rayan Abdo)

معكرونة بالبشاميل 🌹المقادير 🌹 نص كيلو لحمة كيس معكرونة 3ملاعق دبس بندورة ذرة فطر بازيلا جبنة موزاريلا 🌹

طريقة التحضير 🌹 منحط اللحمة بالمقلي مع سمنة ومنحم سن لحتى يستوووبعدا منحط الفطر الدرة البازيلاونخلط دبس البندورة مع مي ومنحطن فوق المكونات حتى تغمرن ومنحط البهارات ومنظبط ملحن منتركن ليغلو ومنحطلن المعكرونة المسلوقة ومنتركن شي عشر دقايق منحطن بصينيا ومنحط فوقن الجبنة ومندخلن للفرن منتركن بالفرن لتحمر الجبنة👨🏻‍🍳🤭 🌹وبالعافية🌹

شيف الحوادق لليوم، تسلم أياديكن 😎🌹😍

طفلي لايف

إكتشف محتوى اكثر

تعليقات

  • امورتي الحلوه.. تاليه 😘

    2019-08-11 10:08:56

    تدوم الضحكة يا قمر. عيد سعيد

  • ام مكتوم 💖😍

    2019-08-11 05:50:07

    😂😂

  • ام محمد

    2019-08-10 15:25:28

    تسلمي اختي🌹

‎استخدم تطبيق TeflyLife لعرض تعليقات 62 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن