😧السرقة عند الأطفال😧

😧السرقة عند الأطفال😧

الجزء الأول

تعتبر السرقة من السلوكيات الأكثر خطورة وسط السلوكيات السيئة اللي ممكن يتصف بيها ولادنا و بنات نا، ودا لأن ضررها مش بس بيتوقف عن الابن أو البنت بل بيمتد كمان للمجتمع اللي حواليهم
والسرقة تعني ببساطة أخذ ممتلكات الغير من دون الرجوع إليهم أو استئذانهم
والسرقة من السلوكيات المكتسبة يعني مالهاش أي سبب فطري أو جيني ولا حتى وراثي، لكنه سلوك بيرجع لطبيعة البيئة اللي بيعيش فيها ال طفل ، والسرقة ليها أسباب تعالوا نعرفها سوا🧐

أسباب السرقة عند الأطفال
عندنا سببين رئيسين لاكتساب الابن أو البنت سلوك السرقة هما:

أولا أسباب سلوكية
1⃣ عدم تعويد الطفل على مفهوم الملكية واحترام ملكية الآخرين
2⃣ وجود الطفل في بيئة فيها حد بيسرق أو لا تعاقب على السرقة أو لا تتابع الطفل.

ثانيا أسباب نفسية
1⃣ الشعور بالاحتياج: وفيها الطفل بيلجأ للسرقة لسد احتياج ما أو لشعوره بالنقص وإنه أقل من اللي حواليه لأنهم معاه وهم مش معاه زيهم

2⃣ الشعور بالقهر: الشعور بالقهر ممكن يخلي الطفل يسرق علشان حاجة من ثلاثة؛


◀الرغبة في الانتقام من الشخص اللي دايما بيقهره فيسرق منه ولو حتى مش هيستخدم الشيء اللي سرقه، أو يسرق علشان يورطه في مشاكل.
◀الرغبة في الخروج من مأزق؛ زي انه مثلا ضيع قلمه فخايف من عقاب مامته فيسرق أي قلم من أقلام زمايله.
◀الرغبة في الحصول على شيء ولكنه خايف من عقاب والده أو والدته لو طلب منهم فيسرق علشان ميطلبش منهم

دي كانت أسباب السرقة، لكن ازاي نعالج سلوك السرقة دا عند ولادنا وبناتنا ❓🤔

هنقسم علاج سلوك السرقة لمرحلتين، هما، الوقاية خير من العلاج، ومرحلة علاج المشكلة نفسعا لو ولادنا بالفعل سرقوا

أولا الوقاية خير من العلاج

لازم نقي ولادنا ونحميهم من شر الوقوع في السرقة ودا بطرقة كثيرة هنذكر منها:


1⃣ تعليم ولادنا مفهوم الملكية وإنهم مياخدوش حاجة حد من غير استئذان واحنا نف سن ا مناخدش منهم حاجة تخصهم إلا لما نستئذن منهم.


2⃣ زرع مفهوم الرضا في نفوسهم وإنهم يكون عندهم قناعة باللي معاهم وميطمعوش في اللي مع غيرهم.


3⃣ تنمية الوازع الديني وإن ربنا رقيب عليهم وشايفهم وانهم يحبوا الحلال ويبتعدوا عن الحرام.


4⃣ الابتعاد عن قهر ولادنا وضربهم وتعنيفهم وإهانتهم فيخافوا مننا ويضطروا إنهم يسرقوا بسبب قهرنا ليهم.


5⃣ دايما خالي في مصروف مع ابنك أو بنتك علشان لو في مدرستهم أو مع اصحابهم وحبُّوا يشتروا حاجة يعرفوا وميحسوش انهم أقل من أصحابهم.


6⃣ دايما حطوا ولادكم في بيئة اجتماعية مناسبة لبيئتهم الأسرية، يعني بلاش نبقا احنا أسرة متوسطة الحال وندخل ولادنا مدارس أمريكان فيحسوا ان أصحابهم إفضل منهم ماديا فيحسوا بنقص ويضطروا يجبروه بإنهم يسرقوا منكم أو من أصحابهم.


7⃣ بلاش تعودوا ولادكم لما يطلبوا فلوس إنهم يفتحوا الدرج ولا الشنطة ولا المحفظة وياخدوا منها فلوس لأنهم بعد فترة هيستسهلوا وممكن ميطلبوش منكم ويروحوا هم من نفسهم ياخدوا الفلوس إما لأنهم مش مميزين إن دي سرقة وشايفين انها حاجة عادية، وإما يسرقوا فعلا لأنهم اتجرَّؤوا على كده.


8⃣ الرقابة المستمرة لأولادكم، تبقوا عارفين كانوا فين ونزلوا بإيه ورجعوا بإيه وإيه معاهم وجابوه منين.


9⃣ تربية الأبناء في بيئة تحترم الصدق والصراحة وتقدرهم.


🔟 العلاقة الجيدة مع الأبناء، هي العلاج والوقاية من كل مشكلة، دايما خالوا في علاقة كويسة بينكم وبينهم علشان يكونوا قريبين منكم فميضطروش يخافوا أو يكذبوا أو يسرقوا، علشان تعرفوا وتلاحظوا أي تغيير هيحصل معاهم، علاقتكوا الكويسة مع ولادكم هي الوقاية من أي خطر وهي الأمان ليهم.....


#سارة_الدقن

إكتشف محتوى اكثر

تعليقات

  • بناتي اغلي من حياتي 👭

    2021-10-04 13:02:59

    حلو

  • أم جواد

    2021-10-04 12:32:01

    حلو الموضوع وستفدنا منه

  • 🇱🇾Om Mustafa 🇱🇾

    2021-10-01 16:50:22

    منشور حلو و مفيد 🤗

‎استخدم تطبيق TeflyLife لعرض تعليقات 5 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

سؤال شائع

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن