اعرف برجك الصيني ومواصفاته من سنة ميلادك

النهارده بداية ال سن ه حسب التقويم الصيني .. سنة الأرنب ، وبالمناسبة دي اعرف برجك الصيني ومواصفاته من سنة ميلادك

- الأبراج الصينيه بتكون بحسب السنين مش الشهور ، وكل حيوان بيتكرر اسمه كل 12 سنه ، والأبراج كالتالي :

* برج الفار : مواليد سنوات ( 1912 - 1924 - 1936 - 1948 - 1960 - 1972 - 1984 - 1996 - 2008 )

- شخص موهوب عنده قدره كب يره على التواصل مع الناس ، بيقدر يستغل الفرص ، خياله واسع وعنده كاريزما عاليه

* برج التور : مواليد سنوات ( 1913 - 1925 - 1937 - 1949 - 1961 - 1973 - 1985 - 1997 - 2009 )

- شخص عنده اراده قويه جدا ، حازم في قراراته ، واثق في نفسه ودايما بيعتمد على نفسه وبس من غير ما يستنى 

مساعده من أي حد ، عنيد شويتين ، مخلص جدا لأصحابه ولعيلته

* برج النمر : مواليد سنوات ( 1914 - 1926- 1938 - 1950 - 1962 - 1974 - 1986 - 1998 - 2010 )

- شخص مبتكر وبيحب الحياه والمغامرات ، عنده حماس كبير وطاقه ايجابيه كبيره ، بيكره الروتين والالتزام ، 

عيبه انه بيشغل نفسه دايما بكذا حاجه في نفس الوقت وعشان كده مش بيدّي كل حاجه فيهم التركيز الكافي

* برج الأرنب : مواليد سنوات ( 1915 - 1927 - 1939 - 1951 - 1963 - 1975 - 1987 - 1999 - 2011 )

- شخص اجتماعي جدا ومحبوب من الكل ، بيحب دايما يعمل حساب كل حاجه ، حساس جدا 

ومش بيتقبَّل النقد بسهوله ، لسانه حلو وبيعرف يكسب الناس بسهوله

* برج التنين : مواليد سنوات ( 1928 - 1940 - 1952 - 1964 - 1976 - 1988 - 2000 - 2012 )

- شخصيه قويه جدا لدرجة انه في بعض الأحيان بيكون مُتسلِّط وعنيد ، شخصيه محبوبه جدا ، 

كل اللي حواليه بيحترموه وبيقدَّروه ، بيعرف يوظف طاقته في المكان الصح ، عيبه انه بيتعصَّب بسرعه

* برج الأفعى : مواليد سنوات ( 1917 - 1929 - 1941 - 1953 - 1965 - 1977 - 1989 - 2001 - 2013 )

- شخص ذكي جدا وهادي وعنده حكمه ، متحفظ شويتين ومش بيحب يكون عنده علاقات كتير بالناس ، 

محدد أهدافه وبيحاول دايما يحققها بنفسه ، عنده اصرار كبير على النجاح

* برج الحصان : مواليد سنوات ( 1918 - 1930 - 1942 - 1954 - 1966 - 1978 - 1990 - 2002 - 2014 )

- شخص اجتماعي وبيعرف يتصرف في أي موقف يتحط فيه ، عنده مواهب كتير ، لمّأح جدا ، 

وبيحب التجديد والابتكار ، بيبدأ في حاجات كتير ولكن مش بيكمِّلها للآخر ، متسرع شويه وبيتعصب بسهوله وبيرجع يندم على اللي عمله.

* برج المعزه : مواليد سنوات ( 1919 - 1931 - 1943 - 1955 - 1967 - 1979 - 1991 - 2003 - 2015 )

- شخصيه عِشَريه جدا ، مرِن وبيعرف يتقبَّل كل الناس باختلافاتهم ، خياله واسع جدا وأفكاره دايما مُبتَكَّرَه ،

 من عيوبه انه متشائم شويه ومتردد في قراراته ، ولكنه دايما بيعرف يعيش حياته بطريقته الخاصه.

* برج القرد : مواليد سنوات ( 1920 - 1932 - 1944 - 1956 - 1968 - 1980 - 1992 - 2004 - 2016 )

- شخص ذكي جدا وبيحب المغامره والمجازفه ، بيعرف يقلب الترابيزه دايما لصالحه ، 

بيحب يعرف كل اللي بيحصل حواليه ، وبيحب كمان يتعرف على ثقافات جديده ومختلفه ويتعرَّف على ناس جديده ، وعنده دايما وجهة نظر مختلفه

* برج الديك : مواليد سنوات ( 1921 - 1933 - 1945 - 1957 - 1969 - 1981 - 1993 - 2005 - 2017 )

- شخص قد المسؤوليه وبيقدر يتحمِّل كل الصعوبات ويتخطاها ، كل الناس بتديله احترام كبير ،

 متواضع جدا وراضي بوضعه ، منظم في كل حاجه بيعملها وده سر نجاحه

* برج الكلب : مواليد سنوات ( 1934 - 1946 - 1958 - 1970 - 1982 - 1994 - 2006 - 2018 )

- شخص مخلص جدا ووفي لكل اللي حواليه ، كل الناس بتحبه ، بيكره الناس الخبيثه والمزيفه 

وبيبعد عنهم علطول ، عنده ثقه كبيره في نفسه ، ولما بيحط حاجه في دماغه بيعملها

* برج الخنزير : مواليد سنوات ( 1935 - 1947 - 1953 - 1971 - 1983 - 1995 - 2007 - 2019)

- شخصيه محل ثقة كل الناس اللي حواليها ، دمه خفيف جدا ، ما بيحبش يدخل في أي مشاكل وصراعات من أي نوع ، 

بيتعلم من غلطاته ، وبيحاول دايما يرضي كل الناس اللي بيهتم بأمرهم



شاركينا انتِ برج اييييييه؟ 🤣 أنا برج الفأر.. 😂🤷‍♀️

# طفل ي_لايف