عسل بطعم السكر

22 802

متابعة

    ازاي تداري الشعر الابيض من غير صبغة والحاجات اللي المفروض متعمليهاش كقاعدة عامة كده معظم الاشخاص بيبدأ يظهر عندهم خصل شعر ابيض بعد سن ال 30, ولو حصل وظهر قبل كده بيبقى شيب مبكر, وبتكون اسهل طريقة عشان نداري الشعر الابيض هي الصبغة, لكن للاسف ان بعد كام اسبوع هتبدأ جذور الشعر الابيض تظهر تاني, بالاضافة كمان ان ساعات كتير ممكن ميكونش عندنا وقت للصبغة ومحتاجين حل سريع, عشان كده النهاردة من خلال موضوعنا هنقولك على طرق لاخفاء الشعر الابيض من غير ما تضطري انك تصبغيه كتير سواء بنفسك في البيت او في صالون التجميل. طرق لاخفاء الشعر الابيض: هنقولك شوية نصايح تقدري تداري بيهم الشعر الابيض, وكمان ايه اللي المفروض متعمليهوش مع الشعر الابيض. 1- اقسمي شعرك بطريقة مختلفة: دايما الشعر الابيض هنلاقيه بيظهر عند منابت وفرق الشعر, عشان كده هيكون كافي جدا انك بس تغيري تسريحة الشعر عشان تداري الشعر الابيض,وتغيري طريقة فرق الشعر, ولو عايزة حاجة مبتكرة اكتر ممكن تعملي الفرق على شكل زجزاج, او تستخدمي جل او موس الشعر او سبراي عشان تثبتي التسريحة. طرق لاخفاء الشعر الابيض 2- اعملي ضفيرة: لو شعر طويل, تقدري تعتمدي على تسريحة الضفاير لتغطية الشعر الابيض , وهنا مش هتنفع الضفيرة الكلاسيكية العادية, هتحتاجي تعملي ضفيرة كبيرة شوية وبطريقة مختلفة زي الستايلات اللي قدامنا في الصورة كده. طرق لاخفاء الشعر الابيض 3- البسي اكسسوارات للشعر: لو مش بتحبي الضفاير او شعر قصير, ممكن تستخدمي اكسسوارات للشعر, زي التوك العريضة, التاج, الباندانا, البنس وغيرها من الاكسسوارات اللي ممكن تداري الشعر الابيض وتريندي او عصرية في نفس الوقت. ممكن كمان تجربي القبعة خصوصا انها موضة جدا الفترة دي, لكن اكيد الطريقة دي مش هتكون مناسبة لو هتكوني في مكان Indoors او مقفول. طرق لاخفاء الشعر الابيض 4- اعملي Volume للشعر: تسريحة الشعر اللي بتكون فيها Volume او كبيرة هتساعد انها تداري الشعر الابيض بشكل كبير, كل اللي هتعمليه بس انك تعملي Volume عند جذور الشعر او تعمليه كيرلي, الكيرلي هيدي الشعر حجم اكبر وهيخفي الشعر الابيض. طرق لاخفاء الشعر الابيض 5- استخدمي سبراي الصبغ: من اكتر الطرق الفعالة والسريعة جدا لاخفاء الشعر الابيض هي استخدام سبراي الصبغ, مش بتغير لون الشعر لفترة طويلة زي الصبغة, لكن بتساعد في اخفاء الشعر الابيض لو معندكيش وقت للصبغة, وهنلاقي ماركات صبغة نزلت منتج السبراي للصبغ زي ماركة لوريال. طرق لاخفاء الشعر الابيض ازاي تمنعي الشيب وايه الحاجات اللي المفروض متعمليهاش: اول حاجة متشديش الشعر الابيض ابدا, لان ده بيضر بصيلات الشعر وفي النهاية الشعر هيتوقف عن النمو في المكان ده وهيسبب بقع صلعة وساعتها المشكلة هتبقى اكبر ومش هتقدري تداريها. ازاي تمنعي الشيب المبكر: عشان تمنعي الشيب المبكر بصي عاداتك واسلوب حياتك بشكل عام لان العادات الغير صحية بتأثر بشكل كبير في ظهور المشكلة. – اتجنبي العادات الغير صحية زي التدخين. – اكل المنتجات الحيوانية, زي مثلا الكبدة لانها بتحتوي على كمية كبيرة من فيتامين B12, ونقص فيتامين B12 ممكن يسبب الشيب المبكر. – كتير من الاشخاص بيفكروا ان الشعر الابيض ممكن يظهر بسبب الاجهاد الزيادة, لكن العلماء ملقيوش اي اثباتات على الكلام ده, ولكن الاجهاد بيأثر على الصحة والجسم بشكل عام, عشان كده بينصحوا بالاحتفاظ دايما بالهدوء والبعد عن التوتر والقلق بشكل مستمر على ابسط الحاجات. طرق لاخفاء الشعر الابيض قولوا لنا ايه الطرق اللي بتستخدموها لتغطية الشعر الابيض, ولو في ماسكات مفيدة استخدمتوها للشعر الابيض ممكن تشاركوها معانا.

إكتشف محتوى اكثر

تعليقات

  • Souma Jolie

    2019-02-01 05:45:36

    صبغت شعري بليماش ابيض ،منيش عارفة كفاه تسموه ولكن حنا في الجزائر في عرايس بزاف يديروه ،يخبي الشيب مدة طويلة وحتى كيضهر الشيب يختلط مع الصبغة وتكوني مرتاحة مدة سنة او اكثر حسب نمو شعرك

    • عاشقة الأنمي لولو:احنا كمان بسوريا بيحطو ميش وخصوصا العروس قبل العرس بس يلي يضل يميش شعرو ويصبغ رح يتلف الشعر

  • عاشقة الأنمي لولو

    2019-03-19 21:40:40

    احنا كمان بسوريا بيحطو ميش وخصوصا العروس قبل العرس بس يلي يضل يميش شعرو ويصبغ رح يتلف الشعر

">
‎استخدم تطبيق TeflyLife لعرض تعليقات 3 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح
‎أدوات الأم والطفل
‎معلومات اليوم الأكثر شعبية للأم والطفل

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن