شهور الشتا من الشهور المعروف عنها انتشار #فيروس_الروتا فيها الفيروس من أشهر الفيروسات التي تسبب النزلات_المعوية في الأطفال 👶خاصة إذا كان عمرهم أقل من ٥ سنوات . ⁦👩‍⚕️⁩👈 إذا كان طفلك يعاني من إسهال مائي، وقيء، وارتفاع في درجة الحرارة، مع مغص وفقدان للشهية، مع استمرار هذه الأعراض لمدة ٣ - ٧ أيام ومن الممكن أن تستمر لأسبوعين، فالسبب غالباً إصابته بـ فيروس_الروتا ؛ الذي ينتقل بسهولة من طفل لآخر عن طريق الأيدي الملوثة خاصة في أماكن تجمعات الأطفال المغلقة كالحضانات والمدارس 😱😱 عشان كده عليك مباشرة أن تعوضي السوائل اللي بيفقدها جسم طفلك بـ محلول_معالجة_الجفاف، لأن ٤٠% من حالات دخول المستشفيات بسبب الإسهال الشديد في الرضع والأطفال يكون بسبب #فيروس_الروتا 👉 1. مهمة حضرتك المحافظة على طفلك بتقليل الآثار الجانبية للمرض 👍 وليست وظيفتك تشخيص الحالة وعلاجها 2. هذا البوست لا يغني👈 عن ذهاب طفلك للطبيب لفحص طفلك وتشخيص الحالة جيدا 3. إعطاء الطفل محلول_معالجة_الجفاف فورا بعد كل مرة إسهال أو ترجيع لحين عرض طفلك على الدكتور، ولازم يكون بالملعقة الصغيرة ، ملعقة كل دقيقة 4. رجاء عدم الاستعجال وإعطاء الطفل مضاد_حيوي بحجة إيقاف الإسهال والترجيع وقتل الميكروب وخاصة الحقن علشان نجيب من الآخر وكأننا داخلين معركة (ندي حقنتين لغاية مانروح للدكتور ) كارررررثة😱😱 5. ممنوع إعطاء الأدوية المضادة_للاسهال (أنتينال - سيمكتا - ديا استوب) لأن الإسهال ده رده فعل طبيعية من الأمعاء لمحاولة التخلص من الفيروس، والأدوية دي بتحبس الفيروس في الأمعاء ، 😡متحاوليش تمشي عكس التيار الطبيعي اللي ربنا خلقه عشان الدور يخلص وخلاص وترتاحى 6. ممنوع توقفي الرضاعة_الطبيعي بحجة إنه بيرجع بالعكس لازم تزودي عدد الرضعات وتقللي الكمية عن طريق تقليل وقت الرضعة، 👍 وكذلك الطفل اللي بيرضع صناعي مش لازم الببرونة كلها تفضى مرة واحدة فرفقا بابنك لو سمحت بالعكس الافضل ببطء شديد 7. الأمهات اللي بترضع أطفالهم صناعي ، بمجرد ما يحصل لطفلها اسهال تبدأ تخفف وتقلل المكيال وتزود المياه أو العكس وكلام غريب .... رجاء بلاش اجتهادات شخصية 8.الطفل رجع سيبه معدته ترتاح نصف ساعه على الاقل ولا اي حاجه عن طريق الفم إبنك هيرضى يشرب محلول الجفاف ازاي وانتى عماله تديه مياه يملى معدته يرجع يملى معدته فيرجع وهكذا لغايه لما يدخل فى جفاف امنعى المياه تماما واعطى فقط محلول جفاف بالمعلقه 9. ممنوع الملينات ( النعناع - الينسون - الكراويه) أحسن بطنه بتستريح عليها ... 👈 كفاية أنت بتزودي الإسهال 😭😭 حتى الليمون ممكن مع الترجيع بيعمل حموضه محترمه ممنوع السفن أب اللي نرجه ونعطيه للطفل والمياه بسكر والتجارب الشخصية نحتفظ بها لنفسنا بلاش العيال 10. ممنوع السكريات مع الإسهال تماما يعنى بلاش عصاير مسكره من فضلك 11. ممنوع الزيوت والأكل المسبك ، طفلك بطنه فيها اللي مكفيها 😂 12. ابنك لو سخن حطيه في مياه فاترة زي مياه الحنفيه فى الصيف ممكن تعطى سيتال👍 بلاش اللبوس مع الإسهال لأنه ملوش لازمة هينزل تاني. 13. لا يفضل لبوس_دولفين أو شراب بروفين مع النزلة المعويه لأنه ممكن يزود الحموضة والترجيع .. 14. ممنوع ذهاب طفلك للحضانة أو المدرسة علشان ميعديش زمايله، والمرض ميزيدش عليه. ⁦👩‍⚕️⁩و للوقاية من هذا الفيروس: فقد أوصت منظمة_الصحة_العالمية (WHO) منذ عام ٢٠٠٩ بضرورة إعطاء الأطفال #تطعيم_الروتا 👍 وأن يتم إدراجه ضمن التطعيمات الإجبارية ✔✔ وتعطى أول_جرعة من التطعيم من عمر ٦ إلى ١٥ أسبوع و آخر_جرعة قبل تجاوز الطفل لعمر ٣٢ أسبوع. و التطعيم يعطى بالفم 👉وينصح بالامتناع عن الرضاعة قبل وبعد التطعيم بنصف ساعة ❌ ويعطى التطعيم في مصر ضمن التطعيمات الإضافية وليس الإجبارية Copied e extra