بعيدا جدا

94 1569

متابعة

الحلقه ٣ وطلع برا المحل ..وطلع فيني نظرة طويله ...انا هووون دبت من خجلي كيف هيك قلت شو بدو يحكي عني يفكرني بنت مو كويسه وعم طلع في .. المهم كفينا مشي انا ورفقاتي طبعا بدون ماينتبهوا رفقاتي بس رجعت ع البيت افكر فيه كتير واحكي مع حالي طول اليوم ...بدل ما روح يمين روح شمال ...حتى ماعم ركز بدراستي 😑😑سكر راسي.. وتاني يوم ونحنه رايحين متل العاده انا خليت رفقاتي يمشو قدامي وانا وراهن خايفه يشوفني ..وقلبي عم يدق المهم لما صرنا قبال المحل ..هو انتبه انو ع رفقاتي وفورا قام من على الكرسي وصار يحدق يمين وشمال يمكن عم يدور علي بالأخير انا بينت طبعا انا كنت اقصر من رفقاتي وماشيه وراهن☺☺ لمن شافني كأني شاف حدا بيعرفو وبتسملي ابتسامه حلوة انا خجلت وكمان طريقي وبالرجعه ونحنه راجعين من الدرس كمان مرينا من قدام المحل وهو فورا طلع لبرى ضل واقف لحتى قطعنا الشارع وهو عم يطلع علي ... طبعا انا هون ما ضل فيني عقل قلت لحالي ليش هيك كتير عم بلا حقوق بنظراتو الحلوين كل ما مريت معقول يكون عم يفكر فيني متل ماقدرت فيو... المهم ونمت مبسوطه ..وحلمت في بالمنام انو عم يعطيني ورد .. فقت تاني يوم ماعم صدق حالي ايمتا روح على الدرس لحتى شوفو .. وهو صار كل يوم بوقت الي رح نعدي في يكون برا المحل عم ينتظر لحتى نمر من قدام المحل منشان يطلع علي وشوفو وكان شتاء وعم تنزل مطر يكون برا بالمطر بدون شمسيه واقف عم ينتظر بس بيشوفني...انا كتير كنت مبسوطه وبنفس الوقت عم يمر الوقت وبدون مانحكي ولا كلمه يعني بس نظرات .. وكمان محمود متل ماهو عم يحول يتقرب مني بس انا ماكنت اعطي مجال لاني ما كنت أشعر بشي تجاهه واصلن كنت خاف كتير احكي مع شب ..يعني حتى صاحب المحل الي عم ينطرني كل يوم ليشوفني ماقادرة احكي معا ولا يحيكي معي لاني بخاف وبخجل كتير وتانيا من عيله محافظه يعني مابقدر اطلع برا البيت بدون امي او رفيقه معي ولازم الكل يعرف لوين رايحه .. بيوم من الايام بندق الباب علينا ..فتحت كانت زوجة الأستاذ باسل .. كتير انبسطت بشوفتك تفضلي ... دخلت وقعدت مع ماما ...طبعا انا قاعده معها عم امزح واضحك لاني بعرفها وبتعرفني.... وانا طبعي مزوحه وروحي مرحه .. ونحنه عم نمزح قالتلي فجأة مابتزوجي ابني ...ا😳 قلتلا شوووووو😐😑😑😑 خجلت كتير سكتت ... قال اي ابني ...يكون ما عجبك.... انا طاير عقلي فيكي ...وحبيتك..والأستاذ باسل كمان مدحك ...كتير وانا حابه اسويكي كنتي .. امي قالتلا بكير لسا عم تدرس .. قالتلا لا مو بكير هي توافق أولا بس خطبه .. امي قالت طيب لأي ولد لمحمود؟ قالتلا لا شو محمود بعدو صغير عمرو ١٩ لسا بكير اخوه الأكبر منو عمرو ٢٥ سنه مسافر واجى من كم يوم 😳انا هوووووون لسا مصدومه من الحكي وساكته 😳 قلتها انا مابعرفو... قالتلي اي مو مشكله بتتعرفو وبشوفي اصلن هو كمان مابيعرفك .ووقت قلتلو عليكي قلي مابعرفها... قام اخوه محمود قلو نيالك يا عمي كتييييير حلوة...لو انا محلك كنت بركض ركض ... قلتلا انا محمود هيك قال .؟ قال اي مو بشوفك وقت تطلعي من عنا ... انا تفاجات كتير من الخطبه ومن كلام محمود عني كيف هيك رح وافق انا اذا محمود كان عم يحاول يحكي معي ورح صير مرت اخوه ....ماعم أتصور بنوب ...😑😑😑 طبعا انا حكيت لأختي لأكبر مني ...عن محمود كيف عم يحول يتقرب مني ...وكيف اموه اجت تخطبني لاخوه.. قالتلا انا مستحيل كيف بدي وافق ع شب وأخوه عم يشوفني حلوة بعينو بكرى لا سمح الله كيف بدي يشوفني بعد ماتزوج اخوه .. امي ...كانت مبسوطه بالخطبه لاني جماعه سمعه كويسه ومحترمين وشب مأدب كتير وعمرو كويس ودارس .. بس مشكله اني انا الاصغر وعندي اختي الكبيره قبلي ..هاد كان اعتراض امي انها ماتزوجني قبل اختي منشان ماتزعل المهم ..اختي قالت انا لا تاكلو همي...اذا الو نصيب زوجوها.. انا طبعا قالتلا انا رافضه مابدي اتزوج ..وبس انا كنت قدرانة احمي سبب لأمي ..😔 المهم اخذت القرار اني رفضت ..لاني مابدي اجرح حدا .. كل واحد همو كافي وضليت عم كمل دروسي عند الأستاذ باسل..وكل يوم يكون صاحب المحل عم ينتظر برا لحتى يشوفني ويوم من الايام نحنه رايحين ع الدرس دقينا الباب ..بالعادة يفتح الباب محمود ....هلمره لا فتح الباب اخوه الكبير ...طبعا كانت اول مره بشوفو فيها 😐 طلع فيني هيك انا ما طلعت عليه وفورا دخلت ... للصراحه هو كتير جذاب وحلو ووطويل انا جنبو قزومة.والف بنت تتمنى..ودارس كمان وعيلةمثقفه كلهم المهم انا تكركبت بشوفتو ماكنت متوقعه شوفو .. المهم ...كم يوم تانين... كمان اجت زوجة الأستاذ تزورنا ... هلمره ضليت بغرفتي ما طلعت منها ...وهي صاحت علي قالتلي ما بدك تقعدي معي ... قلتلا لا اعوذ بالله...وقعدت معا وفتحت سيره خطبه من جديد ..وقالتلي ابني الكبير شافك ورجع بعتني وقال عجبتو البنت ...قلتلا بس انا ماعجبني .. ضحكت......... يتبع... شواريكم بتوافق ولا رح ترفض ...كتبوا بتعليقات

إكتشف محتوى اكثر

تعليقات

  • Mays abu syria

    2020-09-27 13:51:51

    حلوة

    • بعيدا جدا :نزلت حلقة ٤

      بعيدا جدا :عيونك

  • Nadia um yazan

    2020-09-27 13:21:20

    كملي يا عمري 🧡

    • بعيدا جدا :نزلت حلقه ٤

  • Sara soso

    2020-09-27 08:45:10

    انا برأيي توافق لان اخوه عادي يعني شب وطايش وحكا هيك ع سيرة المزح بما انك عم تقولي عيلة محترمة ف اكيد ما رح يفكر هل التفكير

    • بعيدا جدا :نزلت الحلقه ٤

‎استخدم تطبيق TeflyLife لعرض تعليقات 135 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن