المدينة السعيدة

في زمن بعيد .. بعيد .. أبعد من السماء .. كان في بنت عايشة في بلد صغير ة ..

البنت كانت وحيدة ، كانت غير كل ال بنات .. أجمل من كل البنات . واذكي من كل البنات ..

لكن برغم كدا كانت حزينة ..

أ هل ا لقرية كمان كانوا مش مبسوطين .. في حاجة سرقت فرحتهم وخلتهم دايما تعساء ..

ميعرفوش الضحك ولا الأمل ..

^^^^^

أهل القرية قرروا يجتمعوا مع بعضهم ويشوفوا حل للحزن دا ..

راجل كب ير وعجوز شاور على الجبل وقال " الحل فوق في الجبل دا ، هناك في قمته كل سعادتنا وحياتنا " ..

كل اللي في المدينة خافوا ورفضوا يطلعوا الجبل .. إلا البنت الصغيرة الجميلة .. هي اللي رفعت إيديها وطلبت تروح ..

الراجل العجوز مسك إيد البنت الصغيرة وقالها : إنتِ شجاعة وجميلة .. روحي يابنتي إطلعي الجبل ومعاكي قطتي الصغيرة أهل القرية كلهم واثقين فيكِ

^^^^

ومشيت البنت .. وكل ما كانت بتمشي كانت قوتها بتضعف .. وكانت دايما شايلة القطة الصغيرة اللي كانت تعبت هي كمان من المشي ..

جه عليها وقت كانت بتتعب وتحس إنها أبداً مش هاتوصل لقمة الجبل عشان تقدر ترجع سعادة القرية الحزينة ..

لكن القطة صاحبتها كانت بتتمسح فيها وتحضنها ودا كان بيدي البنت الجميلة أمل ويخليها تستمر في رحلتها ..

وفي يوم .. بعد أيام طويلة .. والبنت الجميلة الوحيدة .. لقت نفسها بعد تعب وأيام طويلة ..

عند قمة الجبل العالي .. وشافت الطيور الملونة والنور إللي واصل من السما لقمة الجبل ومخلي كل حاجة دافية ومنورة ..
^^^^

وهي بتبص شافت شافت طيور لونها أبيض طايرة  هناك وكان قدامها صندوق ..

نادت عليها الطيور وقالت : تعالي يا جميلة ..

لما قربت منهم وهي خايفة شوية شافت أد إيه هما طيبين , الطيور  قالتلها : الصندوق دا فيه السعادة كلها .. يا تاخديه ليكِ وتكوني أسعد حد .. أو تديه لأهل القرية ويكونوا هما سعداء ..

جميلة سألته : طيب وأنا ؟ مش هاكون سعيدة زيهم ؟

الطيور غنوا وهما بيقولولها : لازم إنتِ يا جميلة اللي تقرري ..

جميلة بصت لقطتها صاحبتها الصغيرة وابتسمت .. وخدت الصندوق اللي كان تقيل جدا وشالته وشكرت الطيور ..

وقالت لقطتها : مش مهم أنا أكون سعيدة .. أنا هادي الصندوق لإهل القرية وهما هايكونوا سعداء ..

^^^^

حمل ت "جميلة " الصندوق طول أيام طوال ومتعبة .. ولما وصلت للقرية بعد تعب وحزن كتير ..
لقت أهل القرية متجمعين ومستنين عودتها عشان يعرفوا فين سعادتهم ..
جميلة إديتهم الصندوق .. بس كانت تعبت جداً وكان الحزن والوحدة خلوها ضعيفة و شعر ها قليل ...
أهل القرية مكانوش واخدين بالهم إنه "جميلة " وقعت على الأرض كان كل اللي هاممهم إنهم لقوا سعادتهم .. وفتحوا الصندوق .. لكن الصندوق كان فاضي .!
بصوا لجميلة لقوا القطة صاحبتها بتتمسح فيها والعصافير بتطير حواليا وبيغنوا عشانها ..
ومن بعيد شافوا قمة الجبل بتنور نور قوي زي شمس ..
وفضلت الشمس تقرب وتقرب على أهل القرية .. إلا إنها مكانتش فعلا شمس ! كانت الطيور إللي عايشة على قمة الجبل . همست "لجميلة" : إنها بنت طيبة وعطوفة وعشان كدا .. ليها هديتين ، الهدية الأولي إنه "جميلة " هاتكون مصدر سعادة لكل الناس .
والهدية التانية ، لازم تفتح الصندوق تاني عشان تشوفها ..

^^^^

الكاتب جومانا حمدي

طفل ي لايف

إكتشف محتوى اكثر

تعليقات

  • Bekhal Adil

    2019-08-18 11:02:14

    آرينا موجود بالقرآن وكلش حلو

  • Bekhal Adil

    2019-08-18 11:00:56

    آرينا

  • سسسسس

    2019-04-14 20:50:04

    شو رايكم في اسم ريهام

    • Bekhal Adil:آرينا موجود بالقرآن وكلش حلو

      Bekhal Adil:آرينا

‎استخدم تطبيق TeflyLife لعرض تعليقات 80 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن