قصة أم بتعانى كل يوم مش هيفهمها غير اللى زيها

أم ال توأم : قصة كفاح مش هتفهمها إلا أم التوأم اللى زيها

هتقولي لي طيب ما الأم اللي الفرق بين عيالها صغير زي أم التوأم بالظبط. لا يا حبيبتي، مش زيها خالص.

 أم التوأم بتبدأ رحلة العذاب من ال حمل لأنه بيبقي فيه مشاكل رهيبة وتعب من نوع مختلف…

ثانيا من أول لحظة كل حاجة بتتعمل بتتضرب في إتنين، يعني نوم، أكل، شرب، تغيير، شاور، قلق، زن، عياط، تعب، مشاكل من أي نوع إضربي في اتنين.

 مفيش يوم هيعدي سهل لأن حتى لو واحد كويس، غالب ا التاني لأ.

 مفيش يوم هتاخدي نفسك فيه لأنهم في مسابقة بينهم مين يحتاجك أكتر.

 مفيش يوم هتقدري تسيبيهم بسهولة لأي حد لأن مش هتلاقي ناس كتير تتطوع تاخد بالها من الإتنين.

 مفيش مرة هتصحي حاسة إنك شبعتي نوم لأنك مجهدة فوق الوصف.

 على طول عندك صراع مع الوقت علشان كل حاجة دوبل. دايما في تحدي توفقي بين الإتنين علشان هما حساسين جدا من الناحية دي.

المهم علشان مطولش عليكوا، إوعوا تقولوا لأم التوأم كلمات زي "ما أنا عارفة" أو "ما أنا فاهمة" أو "إنتي هتقولي لي" لأن إنتي ولا عارفة ولا فاهمة ولا عمرك هتعرفي غير لما تخوضي التجربة.

 نعمة كب يرة جدا بس مسؤلية فوق الوصف…

ملحوظة

أم التوأم ما اتعلمتش مع طفل وكسبت خبرة واتشطرت فلما التاني جه كانت خبرة بقى وسريعة ومتمرسة.

 أم التوأم من أول يوم محتاجة كل يوم تتعلم حاجة جديدة وبسرعة وتعملها كويس مع اتنين مش واحد.

 أم التوأم معندهاش الرفاهية إنها تركز مع طفل وتستمتع بيه أساسا ودي حاجة وجع تني في تجربتي كأم إني دايما كنت مشغولة باللي ورايا ومهمومة بالتفاصيل اليومية والروتين اليومي أكتر من إستمتاعي بيهم.

 مش فاكرة إني أول سن تين أخدت واحد في حضني وقعدت أدلعه أو إني قضيت كام ساعة قاعدة مركزة مع واحد فيهم.

 دي من عيوب إنك تبقي أم توأم، علشان كدة المقارنة مش في صالحك.

أنا مش بقلل من أي أم لأن الأمومة صعبة ومجهدة جدا بس هي الفكرة إن أم التوأم قصة أصعب وجهد أكتر من مضاعف

تحياتى لكل أم توأم حقيقى انتى جبل

طفلى لايف

أمل الرخاوى

إكتشف محتوى اكثر

تعليقات

  • زائر-48011153

    2019-09-10 13:21:53

    تعب حمل التوم واحد بالكوة نكمل الحمل وبالكوة رعايتة الحمد لله على رزقه 🎀

  • Olaawfaa Obaida Alkadri

    2019-09-09 07:11:16

    انا عندي خمس اطفال على رووس بعضهم وحاسة انهم اصعب بكثير من التوأم😭

  • Hajir Mo

    2019-09-05 22:40:53

    انا هم لتؤام وصعب تربيتهم واحس بلي اتمرين بي

‎استخدم تطبيق TeflyLife لعرض تعليقات 108 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن