حاجات لازم تغيرها في شريك حياتكِ

عزيزتي، مساء السعادة

طبعا متعودين مني دايماً بفضل اقولك است حملي ، وكتير تزعلوا مني بس صدقوني بيكون كلامي عشان مصلحتكم في حاجات كتير لو تلاحظوا بتكون حاجات ممكن نعديها، بس عمري ما أنصحكم بكده لو حاجات صعب نعديها

دلوقتي بقا نتكلم على شوية حاجات لازم نغيرها في شريك حياتنا

ولازم يعني لو بنحبه لازم نفضل وراه لحد ما تتغير الحاجات دي عشان نعرف نعيش مرتاحين، بس براحة بالهداوة، وبأسلوب الست الجميل الذي لا يقاوم.


الراجل اللقطة:

لو شريكك عامل فيها بقا الراجل اللقطة اللي مفيش منه اثنين، اللي كل الستات تموت عليه واللي تحمدي ربنا انه من نصيبك، لا هنا لازم وقفة معه من غير زعيق بقا ولا شد، الحل إنك تبيني ثقتك في نفسك وتقلبي الآية، يعني هو اللي لازم يعرف ان انتِ اللي لقطة.


عصبي عمال على بطال:

احنا بنشوف في المسلسلات الهندي والتركي لما الراجل يتعصب ويبص كده وعناه بتبرق من النرفزة، يبقا قلبنا طاير وعايزين من ده، بس صدقيني لو الحياة كلها كده تحسي بتوتر طول الوقت ومش هتكوني مرتاحة.

يعني لما يزعق لكِ عشان رديتي ع الموبايل من تانى مرة، ولا عشان خرجتوا والجو حر ولا برد، ولا عشان هو أصلا مش في المود، هنا لا لازم وقفة.


العلاقة الحميمة هي كل حياته:

في تجارب علمية بتقول ان بعض الرجال بيفكرو في الجنس مرة كل 9 ثواني، طبعا بنقول بعضهم، مش كلهم، بس لو شريكك منهم، لازم يكون في حد للموضوع عشان انتِ تملي وتعتبري نفسكِ مجرد دمية لرغباته.


العند كده وخلاص:

لو شايف نفسه صح ع لطول الخط ومش معترف ابداً انه غلطان، لازم يفهم ان ده مش صح، لان الموضوع يا حبيبتي هيتخطي الحاجز ده عشان بعدها تلاقي أولادك كده وتلاقي نفسك بقيتي مع عالم كلهم صح وانتِ اللي غلط.

وتعيشي بقا تدادي وتخدي كل واحد على قد عقله، لحد ما تنفجري فيهم يوم.


في النهاية حبيبتي بردو بأكد بدون مشاكل، احنا لو بنغير حاجة بنغيرها عشان نرتاح مع بعض، كمان لازم تاخدي بالك لو فيه أي حاجة فيكي غلط لازم تغيرها.

دمتي أجمل النساء

أمل الرخاوي

طفل ي لايف

إكتشف محتوى اكثر

تعليقات

  • جودي

    2019-09-05 11:54:32

    انا زوجي أبرد من البرود والمشكله انو ملموس شخصيه ويسمع كلام اهلو ف كل حاجة مش عارفه اعمل ايه والكل بيقول عشان خاطر بنتك بس انا تعبت بجد

  • زائر-24379889

    2019-08-06 22:57:09

    انا جوزي عندو تاخير قذف وانا بتعب من كدا وهو مش عايز يروح عند دكتور وانا مش عارفة اعمل ايه

  • زائر-33475360

    2019-07-26 00:45:12

    kayfa abayin ini wat9a min nafsi ya3ni ti9a fi nafs

‎استخدم تطبيق TeflyLife لعرض تعليقات 72 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن