هل أنتِ ضحية زوجك ؟

إزيكم يا حلوين .!

مبيحترمنيش .. وبيتفه من كل حاجة بقولها .!

بس قلبه طيب وبيحبني !

نقدر نقول ببساطة إنه دا الرد اللي بنسمعه من كل بنت بتكون في علاقة مع  خطيبها / زوجها ومش بيعاملها بطريقة مناسبة ودايما بيكون الرد دا زي الرد لشخصية المزدوج .!

في المجتمعات العربية بتاعتنا مبنعترفش غير بالإيذاء الملموس زي الضرب باقي الايذاءات بنتعامل معاها بنوع من التتفيه كدا والتعالي من نوعية " لاء كل حاجة هاتكون زي الفل إن شاء الله .!"

خلونا نتفق على حاجة الإيذاء اللفظي نوع من أنواع الإيذاء الواضح جدا بس واضح لينا احنا بس .!

أثاره بتبان في سلوكنا ..بس بمعني الخوف الدائم من إني اغضب الشخص دا بأي طريقة لآنه مش عارفة تبعات ردود افعاله .

في الحقيقة احنا مكناش كدا لوحدنا ! اروبا كانت كدا ل فترة طويلة لحد ما بقي في قوانين بتحق للزوجة انها تنفصل عن الشريك اللي بيعنفها لفظيا .. وبديهي لآن الحياة عندهم مش مشابهة لينا بشكل كب ير فهي بتقدر تنفصل عن الشريك اللي مش متفاهمة معاه . ونادر ما بتكمل مع شخص مفيش لغة حوار واضحة ما بينهم .!

طيب ليه إحنا مستمرين في دا على الرغم من إنه التحصيل التعليمي عند ال بنات والسيدات زاد جدا ؟

الاحصائيات بتقول :

في السعودية: العنف اللفظي ضدّ المرأة أكثر أنواع العنف انتشاراً
كشفت نتائج دراسة سعودية حديثة قام بها مركز «رؤية للدراسات الاجتماعية في السعودية»، تحت عنوان «العنف الأسري بين المواجهة والتستر»، «أن العنف اللفظي ضدّ المرأة يُعد أكثر أنواع العنف انتشاراً في المجتمع السعودي، وهو يأخذ أشكالاً متباينة ومتعددة، منها التوبيخ الشديد والسّب والشتم والاستهزاء والتحقير، ثم تهديد الزوجة بالزواج عليها.
 

بل علماء النفس المفتريين بيدخلوا في مرحلة جديدة ويقولوا انه العنف مش بس لفظي دا لو أظهر على وشه تعبيرات من شأنها تقلل منك أو تسخر منك دا يسمي عنف .


في كام بنت خطيبها/جوزها بيتفه من اللي بتقوله أو بيسخر منها أو بيقارنها باللي حواليها ؟ وبياخد دا من باب الهزار ؟

علماء النفس بيصنفوا شريك حياتك دا بإنه شخص مضطرب نفسيا ونرجسي " النرجسية يعني حب الذات بشكل هوسي "

وبيقولوا انه دا سلوك قاتل لروحك .!

ولازم توقفي سلوكه دا من أول مرة وتطلبي منه الاعتذار . مش توقفيه مرة وعشرين لاء .!

 

فلو إنتِ متخيلة إنه شريكك اللي بيعنفك لفظيا هايتغير بعد الجواز أو هايتغير بعد الخلفة أو هايتغير في المستقبل ..
أنا جاية من المستقبل وبقولك إنه الأخ دا مش هايتغير .!

التصرفات دي ليها كل التأثير القاسي عليكِ وبتدخلنا فيما يشبه تروما A  وكونك مستمرة مع الشريك دا وسلوكه مستمر هايشوه مفهومك عن ثقتك بنفسك وعن تعاملك مع نفسك وبالتالي هاتقعي كمان تحت وطئة الصورة الذهنية المشوهة .!

 

وافتكري عزيزتي حقك في السعادة والأمان ..

جومانا حمدي

معالج نفسي 

طفل ي لايف


إكتشف محتوى اكثر

تعليقات

  • ام احمد

    2019-09-17 19:08:30

    طب والحل ايييه ؟؟؟؟

  • saba tho

    2019-08-19 12:59:57

    انا ايضا صارلي سنة ونص متزوجة وعندي طفل وايضا اتعرض للاهانه منه ومن اهله وتعبت بس علمود ابني ساكته

  • ايه محمد

    2019-08-05 20:33:40

    لا لو عندك منه اطفال يبقي لا واطلقي منه الاطفال بتفهم انك وصلتي ابوهم للقضاء وده غلط

‎استخدم تطبيق TeflyLife لعرض تعليقات 306 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن