فضفض مع جومانا " يريد أن يتزوج علي على الرغم من أنه يحبني .!

مساء الخير عزيزاتي ،،

النهاردة ميعاد مقالنا موضوعنا الأ سبوع ي " فضفض مع جومانا "

ومن المهم أفكركم .. إنه بإمكانكم مراسلتي على إيميل "gomana@onemena.com"


ونضع بالعنوان :"فضفض مع جومانا " وبداخل الرسالة الأسم وال سن وطبيعية حياتك وأي معلومات تحسي إنها ممكن توضح المشكلة .


ودلوقتي ندخل في مشكلتنا النهاردة :-

 

نص الرسالة التى وصلتي من العزيزة " s "

"مشكلتى ان زوجى عاوز  يتجوز عليا مراة اخوه بعد وفاة اخوه بحجة حماية ابناؤه..مع العلم انهم معنا ف نفس المنزل فى شقه مستقله ويقوم بالفعل برعايتهم ماديا ونفسيا وقت مايكون موجود بالمنزل..

حماتى بتكرهنى جدا لانها شخصية مسيطرة وديكتاتورية ومقدرتش تروشنى لخدمتها زى ماهيا عاوزة ومكنتش اختيارها م الاساس.

ومرات اخوه م الاساس كانت عينها منه وكنت ملاحظه ده..هو ف الاساس المفروض انه بيحبنى وانى بالنسبه له حاجه مهمه جدا..مع العلم انى حامل حاليا وجوازى لسه مكملش سنتين.. انا خيرته مابين جوازى منه ومابين قرار جوازه بيها وانى مش هقدر ارجع معاهم ف عيشه مشتركه تانى تجمعنى بيهم..بس لسه محددش موقفه وبقالى تلات شهور ف بيت اهلى.

نفسيتى وحشه جدا وفقدت الثقه فيه و شيف اه ضعيف قدام اهله وتحديدا والدته اللى عملت حاجات كتير عشان تخرب علاقتى بيه ونجحت ف حاجات للا سف واخرهم حوار جوازه.. نفسيا  بقيت لا هكون مرتاحه ف رجوعى ولا هكون مرتاحه ف انفصال لان لسه له جوايا مشاعر..ولا هكون مرتاحه ف اى وضع ..فقدت احساسى بالامان معاه لانه ف الاساس وعدنى انه مش هيعمل كده وللاسف عمل كده ف الاخر..تعبانه جدا وكل ده مأثر ع ال حمل ..نسيت اقولك انه مصمم اخد اجازات واسيب شغلى."


&&&


أول حاجة .. قلبي معاكي وحاسة بحيرتك وتخبطك بين الشريك إللي عندك مشاعر تجاهه ، كل دا حقك .. علاقة سنتين مش علاقة هينة ومشاركة التفاصيل والمحبة إللي حكيتي عنها " اللي مفترض إنه بيكنها ليكِ "


لو قولتلك إنه إنسي كل دا فجأة أبقي بكذب عليكِ لآنه مفيش مشاعر بنتخلص منها بين يوم وليلة .

حقك تحزني على حالك وحقك تحسي بال وجع .. خدي طريق الوجع للآخر بس قبل ما ندخل فيه لازم نفهم إيه طبيعية العلاقة دي ..

مبدئيا عزيزتي في نوع من ال علاقات إسمه "  Toxic relationships " أو العلاقات السامة ..
ودا بيقع فيه ناس كتير للأسف . ومن إللي حكتيه أنا شايفة إنك ضحية لعلاقة سامة من النوع دا .!

وعيك بحقك كويس وكونك مقبلتيش بوضع مؤذي دا كويس وعلامة إنك واعية بحقك ..

الوعي هو الحجر إللي هابتدأي تبني عليه قدرتك على تخطي العلاقة دي .

للأسف في طفل دلوقتي ومش هاقدر أقولك إنه ال صغير دا هايكون الشيء المتعلق بينك وبين الطرف الآخر في العلاقة لو قررتي متكمليش .

أنا مش محتاجة أقولك حقوقك .. لآنك عارفاها وواعية بيها أنا بس هأكد على حقك دا .

- حقك ترفضي الجواز دا .

- حقك في بيئة صحية ليكِ ولطفلك

- حقك تلاقي الحب والدعم .

- متسبيش شغلك .!

- حطي شروطك للعلاقة دي لو عاوزة ترجعي .

- حطي حدود

- حقك إنتِ كمان تعيدي تقييم العلاقة دي في حياتك .

- لو رجعتوا هو مطالب يقدم ليكِ ضمانات حقيقية إنه هايصلح من الشرخ إللي حصل في العلاقة ." دا لو إنتِ حاسة إنك تقدري ترجعي .


نصيحتي ليكِ النهائية إنتِ شخص متعلم وواعي وواضح إنه جوزك نفس الوضع .. اطرحي عليه إنه يتجه لمعالج عشان يتحرر من سيطرة أمه المرضية دي دا الحل الوحيد لعلاقة متزنة عزيزتي .

حملك حاليا وقت حرج وحالتك النفسية ليها كل التأثير على صحتك وطفلك إللي مالوش أي ذنب .


أعتني بنفسك ودافعي عن حقك وأرجوكِ أفتكري إنك مش مضطرة ..

ليكِ مني كل الدعم والمحبة .

جومانا حمدي

معالج نفسي




إكتشف محتوى اكثر

تعليقات

  • قطرة ندى

    2019-09-09 22:17:36

    اكيد حرام انتي تغلبي على نفسك وخلي يكون عندك اصرار وكل ما نفسك تتفر جي على هيك تذكري انو الله عز وجل يراكي واكثري من ذكر لله والا ستغفار وان شاء الله رح تتغلبي على عادتك

  • فاطمه المذحجي

    2019-09-06 00:28:43

    هيه حرام بس مو زنه وتبقى طاهره لان هيه ليست ممارسه مع الجنس الآخر اله في هذه الحاله هيه الممارس عنده تكون غير طاهره

  • علوش وبس

    2019-07-10 21:05:26

    انا عشت بحاله مشابه ل حالتك لاتسكتي عن كرامتك حتى لو بتحبي الكرامه فوق كلشي نصيحه لاتساوي متلي وتسكي

‎استخدم تطبيق TeflyLife لعرض تعليقات 442 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن