هل زوجك يشبهك ؟

أهلا بيكم يا حلوين

كلنا شفنا الاستاذة نادية الجندي وهي بتصرخ مع التعذيب في كل افلامها وفي نفس الافلام بترقص ..
والعلم وقف كتير قدام الظاهرة المحيرة دي هل نادية في كل أفلامها كانت واقعة تحت مشكلة ما في الهرمونات ؟و هل ا لهرمونات نقدر نقول عليها " دانا نعمة الله والاجر علله ؟

دا اللي هانعرفوا النهاردة في تأثير الهرمونات على حالتنا المزاجية

أنا جومانا حمدي معالج نفسي ..والنهاردة هانعرف اكتر عن كوننا فعلا ضحية للهرموناتنا ولا دي لا مؤاخذة أفوره .؟

تتسم نادية الجندي في كل أفلامها بطورين .. الطور الأول هو الرقص اللولبي والطور التاني هو التعذيب والتنكيل والقتل ..

بس دايما كان في سياق الدراما .. اللي نقدر نفهمه من هنا إنه يجوز الهرمونات بتاعتنا تكون دايما موظفة في نطاق الدراما .

الشائع إنه السيدات عرضة جدا لتقلب الهرموني وإنهم هيستريات بطبيعية الحال وإنه الست لما بتقرب دورتها بتتعفرت وتقلب على هالك في افلام مارفل ..!


فهل دا بس قاصر على الست ؟
قبل ما نجاوب على السؤال دا تعالوا نعرف اكتر حقيقة اننا ضحية لهرموناتنا من عدمه .


العلم بيقول : كلمة هرمون كلمة اغريقية الاصل من الاساس .. وهي بتعني المادة المحفزة .. لكن مؤخرا مبقتش بتقتصر على المادة المحفزة فقط بل كمان المادة المثبطة .. يعني الكلام المعقد دا مقصود بيه إيه ؟
الهرمون هي الإفراز الداخلي للغدد الصماء والتى بالتالي لو فيها اي مشكلة أو عطب دا هايأثر على سلوكنا وصحتنا بشكل كب ير ومرعب .

يعني لو في نقص في افراز الهرمون أو زيادة دا هاينعكس على السلوك لآنه في ترابط بين الجهاز العصبي المركزي والغدد الصماء .يعني لو الهرمون دا زاد .. هايحصل اهتياج وقلة نوم .. ولو قل هانميل للنوم والتعب .


إذا ببساطة قضي الأمر يا شعلان . الهرمونات ليها تأثير على السلوك بل بتوع العلم العالم الظالمة دي بتقولك انه وحضرتك جنين في بطن ماما تأثير هرمونات ماما هايكون ليه تأثير على نموك .. عشان كدا لما بنقول لل حامل متتعصبيش ومتحاوطيش نفسك بسبل ضغط مش بنقول كدا من باب الفراغ .!
طيب في حالة السيدات مين الهرمون المجرم اللي خارب الدنيا دا ؟ هرمون لطيف جدا وانثوي ع الاخر اسمو هرمون (الإستروجين)Estrogen وهناك أدلة انه الحاج دا بصفة خاصة مسؤل بشكل كبير على تنظيم المادة الكيميائية الدماغية سيرتونين اللي ليها صلة مباشرة بالاكتئاب والقلق .

وبالتالي لما بيحصل تغير في اجسامنا زي النمو البلوغ الدورة الشهر ية ال حمل الولادة سن انقطاع الدورة الشهرية بيحصل اعراض زي الاكتئاب والقلق وغيرها .

 من المثير للا هتمام أنَّ معدلات الاكتئاب قبل المراهقة هي نفسها تقريباً بين الفتيات والفتيان، ولكن الأمور تبدأ في التحول في ال فترة التي تتراوح بين الحادية عشرة والثالثة عشرة من العمر، حيث تزيد هذه النسب عند البلوغ، وبحلول الوقت الذي تبلغ فيه الفتيات الخامسة عشرة، يكون احتمال إصابتهن بالاكتئاب أكبر بمقدار الضعف من الذكور، وتظل نسب الإصابة بالاكتئاب مرتفعةً هكذا طوال حياة البالغين،

وبالتالي لما حضرتك بتتجوزي وإنتِ لسه في مرحلة البلوغ دا بيكون خطر جدا على صحتك وصحة الجنين مش حاجة تفرح نهائي !

نيجي بقي للسادة الرجال .. ودا عنوان فيلم لمعالي زايد مالناش دعوة بيه .!

الراجل هذا الكائن الهلامي اللي قاعد في البرج بتاعه وفاكر إنه محصن من كل الكلام دا أنا جاية من المستقبل اقولك حصونك واهية يا عم الحاج ..

في دكتور راجل ابن حلال عمل دراسة زي الفل كدا واكتشف انه حضرتك عرضة للتقلب الهرموني زي الستات بالظبط واطلق علي المرض دا " مصطلح متلازمة الذكور العصبيّة "Irritable male syndrome أو بمعني أبسط لحبايبنا الرجالة

التغييرات الجسدية والنفسية والاجتماعية والجنسية والروحية التي تحدث عند الرجل مع انخفاض مستويات هرمون الذكورة وهو ما يوحي إلينا أنّ أدمغة الرجال تتفاعل بطريقة مماثلة لأدمغة النساء مع تقلبات وتغيّرات الهرمونات الجنسية.

يمكن تعريف هذه المتلازمة على أنها حالة من فرط الحساسية والإحباط والقلق والغضب التي تحدث عند الذكور وترتبط مع التغيرات الكيميائية الحيوية والتقلبات الهرمونية والإجهاد وفقدان الهوية. ووفقًا لبعض الباحثين في جامعة إدنبره، فإنّ الآثار الناتجة عن التغيّر في مستوى هرمون التستوستيرون لا تقتصر فقط على الوظائف الجنسيّة للرجل وحسب، بل يمكن أنْ تؤدّي إلى انخفاض مستويات الطاقة، ممّا يجعل بعض الرجال مزاجييّن ومكتئبين بشكلٍ متزايد.

عشان في المرة الجاية اللي يجي فيها جوزك أو خطيبك يقولك ايه دا انتي ست هيستيرية ومبالغ في هرموناتك أبقي قوليله لا تعايرني ولا عايرك دا الهم طايلني وطايلك .


جومانا حمدي

معالج نفسي

طفل ي لايف

إكتشف محتوى اكثر

تعليقات

  • جبروت إمرأه

    2019-07-22 17:05:58

    طامع براتبج

  • زائر-31330533

    2019-06-25 10:26:40

    من الأفضل أن تكون المقالات باللغة العربية الفصحى ليفهم القارئ أنا لا أجيد اللهجة المصرية

  • زائر-25230743ام زهراء

    2019-06-03 21:45:24

    شنو سبب

‎استخدم تطبيق TeflyLife لعرض تعليقات 114 المتبقية
إكتشف محتوى اكثر

قمي بتحميل تطبيق طفلي لايف

واحصلي على تذكير مجاني لوقت تطعيم الطفل

فتح

تطبيق طفلي لايف

يركز على صحة الأم والطفل ، وهو الاختيار المشترك لملايين الأمهات

Google play
App store

تم النسخ

تحميل الآن
تحميل الآن
تحميل الآن